luns, 28 de marzo de 2011

"A perda de autoridade é un problema de toda a sociedade, non é específico da aula"

A edición dixital de El País, publica unha entrevista con M. José Díaz Aguado, Catedrática de Psicoloxía da Educación da Universidade Complutense.
É unha entrevista moi interesante, que todos os que temos contacto coa educación deberiamos ler (pais/nais/profesorado). Unha das afirmacións que fai en dito artigo é a que dá orixe ao título desta entrada.
Sobre o acoso escolar, Díaz Aguado afirma: "sempre existiu, o que pasa é que agora se fixo visible".
O motivo da entrevista é a presentación do Informe do Observatorio Estatal da Convivencia Escolar.
Sobre a perda da autoridade do profesorado, afirma que non é un problema dos centros educativos, senón da sociedade. Un 52 % das familias sinten que perderon a autoridade.
Díaz-Aguado argumenta que a escola debe exercer autoridade de referencia. Esto é: exercer a autoridade e transmitir confianza.
É unha entrevista moi interesante, non deixedes de lela.
Preme no enlace e conducirache a ela:

Bubisher, un biblioautobús

Que é o Bubisher?
É un biblioautobús que percorre o Sahara levando libros e actividades de animación á lectura aos nenos e nenas dos campamentos saharauis.
A idea xurde nun cole de Pontevedra. Se che interesa saber máis sobre este proxecto visita esta páxina.

venres, 11 de marzo de 2011

Venres 4 de marzo, concurso de comparsas na Xunqueira

O venres 4 de marzo celebrouse no noso centro o tradicional concurso de comparsas. Se queredes saber máis deste concurso, mirade a páxina deste blog adicada ao Entroido.
Tivemos unha semana chea de sorpresas polos mandatos da meiga (que xa empezou o luns coas súas bromas).
O último día de festa foi o venres. Despois do concurso de coplas e comparsas saímos polo barrio de San Valentín. Agradecemos dende este blog a colaboración da Policía Local do Concello de Fene por facernos as cousas máis fáciles.
Para que todo funcione un día coma este de Entroido é necesario o traballo de toda Comunidade educativa (pais/nais, alumnos/as, profesores/as, persoal non docente, ...).
Grazas a todos!!!

mércores, 2 de marzo de 2011

Ao rescate do bebé elefante

Sabedes a razón pola que un dos animais máis grandes e fortes do noso planeta vive en comunidade?
Este vídeo é un exemplo fermosísimo de como a manada axuda a salvar a un bebé elefante de morrer afogado. Observade do coidado co que tratan de empuxalo para fóra e como, unha vez fóra da auga, tratan de reanimalo.

Visita a Sotavento (Parque eólico experimental) dos alumnos e alumnas de 2º ciclo de Primaria















Axuda ao pobo saharaui

Como xa anunciamos no primeiro trimestre, o pasado mércores estiveron no noso centro dúas persoas saharauis para contarnos como viven no campo de refuxiados. Trouxeron unhas mostras de area do Sahara, diferentes tipos de tés, as teas coas que se visten,... Nos explicaron en que consiste a cerimonia do te, e incluso nolo deron a probar (eran tres tipos con sabores moi diferenciados).
A todos resultounos moi interesante. Quedamos sorprendidos da súa forma de vida, de todo o que carecen, ...
Estamos a recoller material escolar e donativos, por se queredes axudar ...